Ushtria serbe në Kosovë? Analistja: Nuk ndodh kurrë, Vuçiç thjesht propagandon

Analistja Afërdita Maliqi e konsideron propagandë, kërkesën e Serbisë drejtuar KFOR-it, për kthimin e 1 mijë trupave serbe në Kosovë.

Në një intervistë për Euronews Albania, Maliqi u shpreh se Serbia është e vetëdijshme se nuk është e lehtë të sulmosh KFOR-in, por edhe nëse e bën, do të hynte në luftë me NATO-n.

“Kjo është pjesë e propagandës së Serbisë dhe pjesë e asaj për t’i hedhur pak benzinë zjarrit. Edhe Serbia e di që nuk është shumë e lehtë të sulmosh KFOR-in. Edhe nëse e ke sulmuar KFOR-in, ke hyrë në luftë me NATON-n.

Ajo është e vetëdijshme. Por ata e kanë propagandën mjet force dhe mjetin kryesor për popullatën e vet atje dhe për popullatën serbe që jeton në Kosovë. Nuk ka shanse që ushtria serbe të hyjë në territorin e Kosovës”, theksoi ajo.

Pas një takimi të Këshillit të Sigurisë të Kosovës, të mbajtur të hënën, Zyra e Kryeministrit theksoi se qeveria e Kosovës është ende “në pritje të veprimeve nga KFOR-i” për heqjen e barrikadave.

Kryeministri i Kosovës, Albin Kurti, ka mbajtur takim të Këshillit të Sigurisë të Kosovës lidhur me situatën në veri, në ditën e 17-të që nga ngritja e barrikadave në atë pjesë.

Barrikadat u ngritën në shenjë proteste nga disa serbë lokalë pas arrestimit të ish-pjesëtarit të Policisë së Kosovës, Dejan Pantiç, i akuzuar për sulmin në zyrat e Komisionit Qendror të Zgjedhjeve.

LEXONI GJITHASHTU

• Kosova ende në pritje të KFOR-it për heqjen e barrikadave
• Kreut të Kishës Ortodokse Serbe i vendoset kusht për vizitën në Kosovë
• Ministri serb i Mbrojtjes: Do të rrisim numrin e forcave speciale të ushtrisë