Ministria e Arsimit hedh poshtë pretendimet e PD-së për shpërblimet e mësuesve për orët shtesë

Ministria e Arsimit hodhi poshtë pretendimet e Partisë Demokratike se mësuesit nuk po paguhen për orët shtesë që po bëjnë për shkak të situatës së pandemisë.

Përmes një postimi në Facebook, mbrëmjen e së hënës, ministria tha se “opozita ka keqinterpretuar përllogaritjen e kohës shtesë” pasi “barazohen orët 45 minutëshe me ato 25 ose 30 minutëshe”.

Ministria këmbënguli se janë 14 mijë mësues që kanë përfituar me këtë mënyrë shpërblimi deri në 8,500 lekë në muaj pagesa për orët shtesë.

Të hënën PD ngriti me shqetësim pretendimet se “mësuesit po punojnë mbi 20 orë shtesë nën vështirësitë e pandemisë, por po paguhen për 6 orë”.