Rusia duhet të përjashtohet nga G20 (Grupi 20 që përfshin vendet e pasura dhe ekonomitë në zhvillim) dhe ftesa për presidentin rus Vladimir Putin për të marrë pjesë në samitin e G20 në Bali muajin e ardhshëm duhet të tërhiqet, tha sot përfaqësuesi i Ministrisë së Jashtme të Ukrainës.

“Putin pranoi publikisht urdhërimin e sulmeve me raketa kundër civilëve ukrainas dhe infrastrukturës energjetike”, shkroi në Twitter zëdhënësi Oleg Nikolenko.

“Me duart e tij të lyera me gjak, ai nuk duhet të lejohet të ulet në tryezë me liderët botërorë. Ftesa e Putinit për samitin e Balit duhet të revokohet dhe Rusia të përjashtohet nga G20”- shtoi më tej ai.

LEXONI GJITHASHTU: 

• Lufta në Ukrainë, SHBA do sjellë në Evropë armë bërthamore
• VIDEO| Shakira i puth këmbët të atit, momenti emocionues nga spitali
•  Lufta në Ukrainë, ushtria ruse gati të largohet nga qyteti i Khersonit