Ministrja Ibrahimaj: Pas krizës, çmimet e energjisë nuk do të kthehen siç kanë qenë

Çmimet e energjisë elektrike, pas rritjes që do të kenë në fund të këtij viti nuk do të kthehen më në vlerat e mëparshme.

Kështu deklaroi sot në emisionin “Now”, ministrja e Financave dhe Ekonomisë,  Delina Ibrahimaj.

“Pritet që çmimet e energjisë të mos rikthehen në atë ekuilibër që kanë qenë më përpara, do të krijohet një ekuilibër i ri për shkak të faktorëve strukturorë që e kanë sjellë këtë krizë”, u shpreh ministrja.

Znj. Ibrahimaj tha se pritet që piku i çmimit të energjisë të arrihet brenda këtij viti, derisa në vitin 2022 të ketë zbutje të krizës.

Në lidhje me ndikimin e krizës energjetike në vend, ministrja tha se buxheti i shtetit parashikon të gjithë skenarët e riskut, edhe për OSHE nëse nevojitet fond i shtuar, përtej shumës 200 milionë që ka menduar qeveria.

LEXONI GJITHASHTU:

• LIVE-Ministrja e Financave: Borxhi publik deri në fund të vitit mund të shkojë në 80%
• Ibrahimaj për biznesin e madh: Rritjet e çmimit të energjisë s’përballohet nga qeveria për të gjitha kategoritë