Ministrja spanjolle e Punës jep dorëheqjen pas rezultateve të zgjedhjeve

Ministrja e Punës e Spanjës dhe një nga tre zëvendëskryeministrat e vendit, Yolanda Diaz, ka njoftuar se do të largohet si lidere e aleancës së krahut të majtë Sumar pas paraqitjes së dobët të saj në zgjedhjet evropiane.

Sumar fitoi vetëm tre vende. Koalicioni i Majtë e Bashkuar – një nga anëtarët kryesorë të Sumar – nuk arriti të fitonte asnjw një vend të vetëm.

Si rezultat, Diaz ka vendosur të japë dorëheqjen si koordinatore e Sumar, megjithëse do të vazhdojë me detyrat e saj ministrore.

“Këto zgjedhjet e fundit kanë vepruar si një pasqyrë”, tha Diaz në një deklaratë të transmetuar të hënën pasdite.

“Njerëzit nuk bëjnë gabime kur votojnë dhe as nuk bëjnë gabime nëse vendosin të mos votojnë. Kjo është gjithmonë përgjegjësia jonë – dhe, pa dyshim, në këtë rast, kjo është përgjegjësia ime. Njerëzit kanë folur dhe unë po marr përgjegjësinë. Kam vendosur të largohem nga posti im si koordinatore e Sumar.