Ministrja Xhaçka takon ambasadorin e BE: Integrimi, objektivi ynë më i rëndësishëm strategjik

Ministrja për Europën dhe Punët e Jashtme, Olta Xhaçka zhvilloi sot një takim pune me ambasadorin e Delegacionit të Bashkimit Europian në Tiranë, Luigi Soreca.

Përmes një postimi në Twitter, ministrja Xhaçka shkruan se i kishte shprehur ambasadorit Soreca mirënjohjen për kontributin personal për ndihmën ndaj Ministrisë për Europën dhe Punët e Jashtme dhe institucionet e tjera shqiptare, dhe thekson se integrimi në BE do të jetë gjithmonë objektivi më i rëndësishëm strategjik.

Very good meeting with Amb. @LSorecaEU. Constructive exchange of views on #EU integration process and initiation of SEI. Grateful for ?? assistance to MEFA and ?? institutions and Soreca’s personal contribution and goodwill?. pic.twitter.com/8iBGOzaPb1

— Olta Xhaçka?? (@xhacka_olta) January 8, 2021

“Zhvillova sot një takim shumë të mirë pune me ambasadorin e Delegacionit të Bashkimit Europian në Tiranë, Luigi Soreca.

Shkëmbim konstruktiv i pikëpamjeve mbi procesin e integrimit dhe fillimin e projektit për asistencën teknike për integrimin (SEI).

Mirënjohje për ndihmën e dhënë nga Bashkimi Europian për Ministrinë për Europën dhe Punët e Jashtme dhe institucionet e tjera shqiptare, si dhe për kontributin personal të ambasadorit Soreca. Integrimi do të jetë gjithmonë objektivi ynë më i rëndësishëm strategjik.

Do të angazhojmë të gjitha burimet dhe energjitë tona, për t’u përgatitur për hapjen e negociatave Shqipëri-BE”, shkruan znj. Xhaçka.