Mishi i përpunuar, rrezik për zemrën dhe sulmin në tru

Mishi mund të jetë po aq i dëmshëm sa edhe vetë cigaret, sidomos nëse është i përpunuar. Këto ushqime po ashtu shkaktojnë edhe varësi por rrisin edhe rrezikun e sulmit në zemër dhe goditjes në tru.

Një studim i ekspertëve të ushqimit nga SHBA, Brazili dhe Spanja zbuloi se mishi i përpunuar mund të krijojë po aq varësi sa alkooli, duhani apo bixhozi. Analiza tregon se 14 për qind e të rriturve dhe 12 për qind e fëmijëve jbraanë të varur nga ushqimi, duke bërë që ata të humbasin kontrollin mbi konsumin dhe të hanë shumë, citon artikulli.

2 në 3 të rritur në Mbretërinë e Bashkuar janë regjistruar si obezë ose mbipeshë, me shumë të varur nga ushqimet e pashëndetshme. Jo të gjitha ushqimet kanë potencial varësie, por kombinimi i ushqimeve ultra të përpunuara (UPF) do të thotë se ato mund të prishin sistemet e shpërblimit të trurit dhe të krijojnë varësi, thanë studiuesit. Nevojiten rregulla më të forta për të kufizuar reklamimin e ushqimeve ultra të përpunuara dhe udhëzime të reja që paralajmërojnë efektet e tyre të dëmshme, kanë thënë ekspertët.

Hulumtimet e mëparshme kanë lidhur gjithashtu ushqimet ultra të përpunuara me sëmundjet e zemrës, presionin e lartë të gjakut, kancerin, depresionin dhe diabetin. Konsumimi i ushqimeve të shtuara me sheqer, në veçanti, ka efekte negative në shëndetin e sistemit të tretjes duke rritur numrin e baktereve të dëmshme në mikrobiotën e zorrëve.

Gëlltitja e ushqimeve që përmbajnë ëmbëlsues artificialë i sinjalizon trurit se trupi ka marrë sheqer. Megjithatë, pa sheqer për t’u përpunuar në qarkullim, pas një kohe pankreasi bëhet i pandjeshëm ndaj sheqerit dhe ndalon sekretimin e insulinës. Kjo shkakton formimin e diabetit.

Substanca sulfite, e cila përdoret për të parandaluar ndryshimin e ngjyrës në ushqime dhe për të reduktuar rritjen e baktereve, mund të ketë një efekt toksik duke ndikuar në metabolizmin e medikamenteve të astmës.

LEXONI GJITHAHSTU: 

• “Hamas e hoqi maskën, është pjesë e ISIS”-izraeliti flet për masakrat terroriste
• Prapaskenat përtej valleve, Iljazaj: Lëvizja e bujshme e Vuçiç që s’e përmend askush