Misioni i Starmer në Paris: Riparim raporteve me BE, por Brexit nuk zhbëhet

Kryeministri britanik Keir Starmer është takuar të enjten me presidentin Emmanuel Macron në Paris, në kuadër të një vizite që synon riparimin e marrëdhënieve mes Mbretërisë së Bashkuar dhe BE-së.

“Qëllimi i vizitës është pikërisht dhënia e një impulsi të ri raporteve franko-britanike”, ka deklaruar një zëdhënës qeveritar.

Udhëtimi i Starmer në Francë vjen pas atij në Gjermani, ku njoftoi planet për forcimin e bashkëpunimit britaniko-gjerman në fushën e mbrojtjes, sigurisë, shkencës dhe teknologjisë.

Megjithatë, Starmer e ka bërë të qartë se ripërtëritja e lidhjeve me Evropën nuk do të thotë se Brexit do të zhbëhet.

Ai ka thënë gjithashtu se Britania nuk ka në plan t’i bashkohet nismës rinore të Unionit, që do t’u mundësonte të rinjve evropianë të jetonin dhe punonin në Mbretërinë e Bashkuar dhe anasjelltas.

LEXONI GJITHASHTU:

• SHBA dhe Britania vendosin sanksione të reja kundër Bjellorusisë
• Britania e Madhe mban zgjedhjet parlamentare