Mitsotakis: Çështja Beleri do zgjidhet shumë shpejt, Shqipëria e ka marrë mesazhin

Kryeministri grek, Kyriakos Mitsotakis mbajti fjalën e tij gjatë konferencës për shtyp të Samitit të Lartë në Bruksel. Ai u shpreh se nuk do të lejojë që çështja Beleri të kalojë pa u bërë bujë.

Ky i fundit u arrestua para zgjedhjeve me akuzën për shit-blerje votash.

“Shpreh zhgënjimin tim, revoltën time për faktin se një kryebashkiak i zgjedhur arrestohet dy ditë para zgjedhjes së tij dhe ndodhet në burg, sipas mendimit tim, me procedura të dyshimta. E konsideroj një goditje ndaj shtetit të së drejtës dhe ndaj përpjekjes së Shqipërisë për përshtatjen me bazën ligjore të BE-së. Parashikoj që kjo çështje do zgjidhet shumë shpejt,” – deklaroi Mitsotakis.

Ai shprehu bindjen se qëndrimi i tyre do të ndikojë në ndryshimin e mendimit të palës shqiptare.

“Pajtueshmëria me rregullat bazë të shtetit të së drejtës përbën kusht të panegociueshëm për çdo vend që dëshiron të bëhet anëtar i familjes evropiane. Dua të besoj se ky mesazh është bërë plotësisht i qartë në Shqipëri,” – tha kryeministri grek.

Më 27 qershor u bë konstituimi i Këshillit Bashkiak të Himarës në mungesë të Belerit. Ai madje dërgoi një letër nga burgu ku shkruante  leja për betimin e tij u refuzua qëllimisht nga kryeministri Edi Rama, pasi “kërkon tjetërsimin e vullnetit të himariotëve”.

LEXONI GJITHASHTU:

• Arian Çani zbulon sekretet: Si e ftoi Rama Fredi Belerin në zyrë për drekë
• Ilir Kulla: Hetimi i Fredi Belerit do zgjasë me vite