“Mjafton një telefonatë”, eksperti: Ku ngeci marrëveshja për pensionet me Italinë

Esat Balla, presidenti i shoqatës “Diaspora 91-19” tha këtë të hënë në një intervistë për Euronews Albania se për të plotësuar marrëveshjen e pensioneve mes Shqipërisë dhe Italisë, duhet vetëm një telefonat.

Ai tha se të dy shtete janë gati për këtë marrëveshje dhe i kanë mbyllur procedurat burokratike, por mungon një telefonat që marrëveshja të firmoset.

“Italianët janë një popull gjestikulant, me anë të gjesteve u tha qartë, mjafton vetëm një telefonat. Ministri i Jashtëm i Italisë të thërrasë burokratin e vetë e ti thotë nxirre dosjen ta firmosim dhe ministri i Jashtëm i Shqipërisë të marrti homologun e tij në Itali dhe t’i thotë, zotëri i dashur kemi bërë një marrëveshje teknike hajde ta firmosim. Kaq është.

Nga informacioni që kemi ne Italia e ka mbaruar filtrin burokratik që është, ministria e punëve të jashtme para se të firmosi me shtetin fqinj, në këtë rast Shqipëria, duhet të marrë autorizimet përkatëse në ministrit siç janë ajo e punës, ajo e financave, etj. Këto Italia i ka mbaruar edhe Shqipëria është gati, mungon kjo telefonat”,-tha Esat Balla.

LEXONI GJITHASHTU:

• Përmbytjet në Slloveni, shkon në 6 numri i viktimave
• Infeksionet nga plazhi dhe pishina, dermatologët: Kemi mesatarisht 10 raste në ditë