Mjeku shqiptar në Florida tregon si po e përjeton mbërritjen e uraganit ‘Ian’

Ardian Kraja, mjek shqiptar në Florida tregoi për emisionin Sot në Euronews Albania se si po e përjeton ai edhe familja e tij mbërritjen e uraganit Ian që ka nisur të godasë vendin.

Ai tregoi se fatmirësisht jeton në një zonë disi lart nivelit të detit ku rreziku i përmbytjeve nuk ekziston por familjet që jetojnë pranë bregut të detit kanë marrë urdhër që të evakuohen.

“Florida është vend u ulët dhe familjet në bregun e detit kanë marrë urdhër që të evakuohen, nëse nuk pranojnë nuk u sigurohet asnjë shërbim nga zjarrfikësja apo ekipet e shpëtimit. Uraganët janë të fortë por prishin gjëra e dobëta, po shtëpive solide nuk u bëjnë gjë. Problemi është me energjinë elektrike. 2 mijë persona të gardës janë në gatishmëri për çdo situatë”, tha mjeku.

LEXONI GJITHASHTU:

• Uragani ‘Ian’ godet Floridën, priten erëra të forta dhe përmbytje të mëdha
• 8 viktima nga uragani Fiona në Porto Riko