English

Moldavia nënshkruan partneritet të sigurisë dhe mbrojtjes me BE

KOMENTE

SHPERNDAJE
ARTIKULLIN

Text sizeAa Aa

Moldavia ka nënshkruar një partneritet sigurie dhe mbrojtjeje me Bashkimin Evropian, vendi i parë që ra dakord për një marrëveshje të tillë me bllokun.

- Advertisement -

Sipas mediave të huaja, lajmin e bëri të ditur sot shefi i politikës së jashtme të BE-së, Josep Borrell.

Ky partneritet ka pasuar dënimin e fortë të Moldavisë për pushtimin e Rusisë në Ukrainën fqinje.

E udhëhequr nga presidentja pro-evropiane Maia Sandu, Moldavia, e cila shtrihet midis Ukrainës dhe NATO-s dhe anëtares së BE-së, Rumanisë, shpreson të bashkohet me Bashkimin Evropian deri në vitin 2030.

“Ky partneritet do të rrisë qëndrueshmërinë e vendit. Do të na lejojë (ne) të adresojmë së bashku sfidat e përbashkëta të sigurisë, ta bëjmë angazhimin tonë më efektiv dhe të eksplorojmë fusha të reja bashkëpunimi,” shkroi Borrell në ‘X’.

Kryeministri moldav Dorin Recean tha në platformën e mediave sociale ‘X’ se pranimi në BE do të ishte “mekanizmi më i mirë për të siguruar paqen dhe stabilitetin për qytetarët e Moldavisë”.

“Deri atëherë, nënshkrimi i Partneritetit të Sigurisë dhe Mbrojtjes BE-Moldavi është një hap përpara, duke rritur paqen, sigurinë dhe prosperitetin tonë,” shkroi ai.

Moldavia fitoi pavarësinë nga Bashkimi Sovjetik në vitin 1991 dhe marrëdhëniet e saj me Moskën janë përkeqësuar gjatë pushtimit rus të Ukrainës.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?