Molla, karota dhe lakra nuk kanë treg

Sikurse në çdo stinë ka disa kultura, fruta apo perime që hasin vështirësi në treg, për shkak të sasisë së madhe, çmimit të lartë apo uljes së fuqisë blerëse.

Kryesisht në zonën e Korçës disa fermerë kanë prerë pemët e mollës, të cilat janë më të vjetra se 20 vjet dhe nuk japin më prodhim cilësor. Një sasi e konsiderueshme e mollëve të pashituar ndodhet në frigorifer.

Ndërsa mollët e hedhura nga fermerët ishin mollë jashtë standardit, ose mollë të cilat janë dëmtuar nga kushtet e motit, si ngricat dhe breshëri, duke qenë e pamundur që të tregtohen.

Në Devoll, zonën më prodhuese në vend, mollët kanë mbetur stok, ndaj fermerët detyrohen t’i hedhin në kanal.

Për shkak të fitimit të munguar po presin dhe pemët. Ata thanë se ndryshe nga vitet e tjera çmimi ka rënë në 10 lek për kg, çka nuk mbulon as koston e prodhimit.

Po ashtu në zonën e Divjakës dhe Lushnjes ka problem me shitjen e karotave dhe lule lakrës. Për shkak te kostove dhe çmimit shume fermerë kanë mbjelle me pak këtë sezon, duke i paraprire mungesës së tregut për t’i shitur.

LEXONI GJITHASHTU:

• Tragjedi në Greqi, përplasen 2 trena, 32 viktima
• Spahiu: Projekti më i rrezikshëm në Kosovë pas korrigjimit të kufijve