Molotovë drejt Kryeministrisë dhe Parlamentit, rreth 17 persona të shoqëruar

Pas përfundimit të protestës mbrëmjen e djeshme, rreth 17 protestues janë shoqëruar në polici, pasi dyshohet se kanë hedhur molotovë dhe lëndë piroteknike përpara Kryeministrisë dhe Parlamentit. Mësohet se 8 persona janë dërguar në komisariatin Nr.2, ndërsa 9 të tjerë janë dërguar tek komisariati Nr.1.

Ndërkohë, sipas njoftimit të Ministrisë së Shëndetësisë dhe Mirëqenies Sociale, 21 persona janë plagosur nga lëndët piroteknike dhe molotovët. Të plagosurit kanë pësuar djegie dhe dëmtime fizike ku kanë marrë mjekime mjekësore në spital.

Kujtojmë që protesta nisi fillimisht në mënyrë paqësore në orën 17:00, ku 6 përfaqësues të Partisë Demokratike morën fjalën, mes të cilëve edhe kryedemokrati, Sali Berisha. Ndërkohë, pasi Berisha mbylli fjalën e tij, situata u tensionua, ku dhjetëra qytetarë hodhën molotovë drejt godinës së Kryeministrisë dhe më pas u zhvendosën drejt Parlamentit.