Mona Liza sulmohet nga një “grua e moshuar”

Një person, i cili ishte maskuar si një grua e moshuar me karrige me rrota, ka vandalizuar pikturën e Mona Lizës me ëmbëlsirë.

Në një video të shpërndarë në rrjetet sociale, torta duket e përplasur në xhamin që mbron pikturën më e famshme në botë.

Maybe this is just nuts to me💀but an man dressed as an old lady jumps out of a wheel chair and attempted to smash the bullet proof glass of the Mona Lisa. Then proceeds to smear cake on the glass, and throws roses everywhere all before being tackled by security. 😂??? pic.twitter.com/OFXdx9eWcM

— Lukeee🧃 (@lukeXC2002) May 29, 2022

Dëshmitarët thonë se personi i veshur si e moshuar, tentoi që të thyente xhamin që mbron pikturën e Leonardo da Vinçit në muzeun e Luvrit në Paris.

Autori arriti që t’i afrohej portretit duke përfituar nga fakti se po hiqej si person me aftësi të kufizuara.

Gjithçka duket se ka qenë një protestë e një ambientalisti kundër ndryshimeve të klimës.

Personi që hodhi kekun në drejtim të pikturës së famshme thotë se e ka bërë këtë gjë për të ndërgjegjësuar njerëzit për mbrojtjen e Tokës.

“Njerëzit po e shkatërrojnë Tokën”, u dëgjua të thoshte në momentin që rojet e sigurisë po e shoqëronin jashtë muzeut.

Aquí el momento en que se llevan a quien le aventó un pastel a la Monalisa.pic.twitter.com/HBayMOdcKV

— Alejandro Alemán (@elsalonrojo) May 29, 2022

Prokuroria e Parisit thotë se ka nisur hetim për tentativën e vandalizimit të pikturës së shekullit të 16-të.

Vepra e Da Vinçit u grabit nga një punonjës i muzeut në 1911, gjë e cila e bëri edhe më të famshme.

Piktura gjithashtu u dëmtua nga një sulm me acid në vitet 1950 dhe prej atëherë mbahet pas një xhami.