Kryetarja e Lëvizjes Socialiste për Integrim, Monika Kryemadhi ngriti shqetësimin e mos përkrahjes së qytetarëve të prekur nga përmbytjet e ditëve të fundit në vend. Gjatë një takimi që zhvilloi me disa banorë të njësisë numër 2 në Tiranë, Kryemadhi deklaroi se situata ka kaluar përtej çdo limiti.

“Situata ka kaluar çdo limit, ne shikojmë një farë mungesë përgjegjshmërie por edhe mungesë profesionale dhe një nga gjërat kryesore që ndihet është mungesa që kanë njerëzit në infrastrukturë.

Familjet shqiptarë janë varfëruar për shkak të COVID-19 pasi  shërbimet dhe ilaçet janë jashtëzakonisht të shtrenjta dhe kësaj po i shtohet dhe situata e krijuar nga përmbytjet ku ka me mijëra hektarë tokë të përmbytur dhe shtëpi të përmbytura që nuk shikojnë asnjë lloj përkrahje”, u shpreh znj. Kryemadhi.