Monika Kryemadhi në Vlorë: LSI ka rritur breza politikanësh të rinj

Kryetarja e Lëvizjes Socialiste për Integrim, Monika Kryemadhi, gjatë takimeve në kuadër të fushatës elektorale ka kërkuar besimin e banorëve të Vlorës.

Ajo ftoi banorët e Vlorës të dalin masivisht në zgjedhjet e 25 prillit, ndërsa paralajmëroi se LSI-ja do jetë parti e surprizës.

“Surpriza më 25 prill është nga Shkodra gjerë më Vlorë. Ajo që është e rëndësishme është që të gjithë të shkojmë të votojmë”, tha Kryemadhi.

Përballë qytetarëve vlonjatë, znj. Kryemadhi theksoi se LSI është e vetmja parti në Shqipëri, e cila ka shërbyer si një trampolinë për të rinjtë.

“Të votojmë LSI, pse? Sepse është e vetmja forcë politike që në të gjithë jetën e saj 17-vjecare është e vetmja forcë politike që ka rritur breza politikanësh të rinj”, tha Kryemadhi.