Monika Kryemadhi zbulon arsyen pse dështoi dalja me listë të përbashkët në disa qarqe

Kryetarja e Lëvizjes Socialiste për Integrim, Monika Kryemadhi në studion e “Ilva Now”, tregoi arsyen që çuan në mos realizimin e garimit me një listë të përbashkët të opozitës në disa qarqe.

Znj. Kryemadhi tha se kjo praktikë do të vihet në zbatim vetëm për Qarkun e Kukësit që tre mandate, ndërsa për Gjirokastrën dhe Dibrën tha se favorizon garimin me lista të ndara.

“Për Kukësin, pavarësisht se Kodi Zgjedhor nuk të lejon që të dalësh në një listë të vetme në një qark. Në u kemi bërë thirrje mbështetësve tanë në Kukës që të votojnë për kandidatët e PD edhe pse ne kemi kandidatët tanë”, deklaroi kryetarja e LSI.

“Ndërsa për rastin e Gjirokastrës dhe të Dibrës, nëse do të ishin 5 mandate normal që do ta kishim të mundur që të hynim në një listë të përbashkët për të marrë rezultat maksimal. Gjirokastra ka 4 mandate dhe të garuarit më vete mund të bëjë që të ketë surpriza në Qarkun e Gjirokastrës”, shtoi znj. Kryemadhi.