Mori peng në parkim një person, arrestohet gjobvënësi në Tiranë

Policia e Tiranës ka arrestuar një 35-vjeçari i cili mori peng një person në kryeqytet dhe përmes dhunës dhe shantazhit tentoi t’i merrte një shumë të konsiderueshme parash.

Policia ka shpallur në kërkim gjithashtu vëllain e 35-vjeçarit, si bashkëpunëtor në krim.

Personi, emri i të cilit nuk bëhet me dije u mor peng në ambientet e një vendparkimi të një lokali në Kombinat dhe u dhunua e kanos me qëllim dhënien e pasurisë.

Materialet në ngarkim të dy vëllezërve i kaluan prikurorisë për veprime të mëtejshme.

“Si rezultat i reagimit të menjëhershëm dhe profesional të shërbimeve të Policisë, u identifikuan 2 autorët e dyshuar, u kap dhe u vu në pranga njëri prej tyre, shtetasi A. B., 35 vjeç, si dhe u shpall në kërkim bashkautori i dyshuar, vëllai i 35-vjeçarit, shtetasi F. B., 28 vjeç, të dy banues në Tiranë.

Nga veprimet hetimore dyshohet se këta shtetas, në bashkëpunim me njëri-tjetrin, mbrëmjen e djeshme, kanë marrë me forcë, me automjet, nga vendparkimi i një lokali, shtetasin Gj. F., 47 vjeç, e kanë kanosur dhe e kanë dhunuar atë, me pretendimin se 47-vjeçari u kishte borxh një shumë parash. Vijon puna për kapjen e shtetasit F. B”, njofton policia.

LEXONI GJITHASHTU:

• Vodhën 150 mijë euro bizhuteri në një banesë, kapen hajdutët
• “Si je Ardian”- Zbardhet komunikimi i vetëm mes autorit dhe viktimës në Shëngjin
• “Politika, pista kryesore”- Lita: Nikulaj kishte 3 mijë vota, ishin vendimtare