‘Mosmarrëveshje brenda partisë’, si ndodhi plagosja e kreut të PD-së në Korçë

Zbardhen detaje të reja në lidhje me ngjarjen e ndodhur pasditen e së martës, ku kreu i Partisë Demokratike të degës Korçë, Devis Osmani është plagosur nga kryetari i grupseksionit, Eduart Topalli.

Gazetari i “Euronews Albania”, Xhensil Shkëmbi raporton se Eduart Topalli ndodhej në një kafene në hyrje të Korçës, aty ku Devis Osmani ka shkuar për të biseduar për shkak të disa mosmarrëveshjeve brenda partisë.

Aty ka ndodhur konflikti i çastit ku kanë ofenduar njëri-tjetrin dhe më pas situata është agravuar, ku Topalli ka goditur me shishe në kokë Osmanin.

Ai e ka mohuar ngjarjen, ndërsa Topalli nuk e ka bërë diçka të tillë duke thënë se ka mbrojtur veten, pasi ka qenë Osmani ai i cili e ka goditur atë fillimisht dhe më pas ka reaguar.

Mësohet se Devis Osmani nuk do bëjë kallëzim ndaj Topallit, i cili e ka kundërshtuar disa herë keun e PD-së në Korçë.

Fillimisht ata kanë pasur mosmarrëveshje për zgjedhjet lokale të degës së partisë. Në një tjetër rast, Topalli kakontestuar zgjedhjet për kryesinë lokale të partisë së degës Korçë.

Së fundmi, ata janë përplasur për zgjedhjen e kryetarit të ri të partisë, ku Devis Osmani mbështeste Sali Berishën, ndërsa Eduart Topallit ishte në mbështetje të Ibsen Elezit.

LEXONI GJITHASHTU

• Plagoset kreu i PD-së në Korçë nga sekretari