Mosmarrëveshje në BE për vendosjen e një kufiri të sipërm për çmimin e gazit 

14 Dhjetor 2022 | 07:53

Pas disa muajsh mosmarrëveshjeje nëse vendosja e një kufiri për çmimin më të lartë të gazit mund të zbusë krizën energjetike në Evropë, ministrat e energjisë të vendeve anëtare të Bashkimit Evropian u takuan dje në Bruksel në përpjekje për të arritur një marrëveshje.

Duke iu përgjigjur kërkesave të përsëritura të disa vendeve, Komisioni Evropian muajin e kaluar propozoi një kufi të sipërm për çmimin e gazit si përgjigje e BE-së ndaj krizës ekonomike dhe rritjes së çmimeve të energjisë të shkaktuar këtë vit nga Rusia duke reduktuar sasinë e gazit të furnizuar në Evropë, raporton Reuters.

“Qytetarët e Evropës janë në agoni dhe kompanitë evropiane ndalojnë së bëri biznes ndërsa BE debaton pa nevojë,” paralajmëroi ministri grek i Energjisë Konstantinos Skrekas, duke bërë thirrje për një marrëveshje të shpejtë dhe futjen e kufijve të çmimit të gazit.

Greqia dhe vende të tjera, përfshirë Belgjikën, Italinë dhe Poloninë, argumentojnë se vendosja e një kufiri të çmimit të gazit do të mbronte ekonomitë e tyre nga çmimet e larta të energjisë, ndërsa Austria, Gjermania dhe Holanda kanë frikë se mund të devijojë eksportet e gazit tek blerësit e tjerë në dëm të vendeve evropiane dhe të çojë deri te ndërprerjet në tregun e energjisë.

 

Home Kryefaqja
Shiko në: YouTube
Lajme të Sugjeruara

Nga biçikletat te cilësia e jetës, kush janë 10 qytetet më të mira për të jetuar në 2026

Kryeqyteti i Danimarkës, Kopenhageni, është shpallur për të dytin vit radhazi qyteti më i jetueshëm në botë, sipas Indeksit Global të Jetëshmërisë 2026 të Njësisë...
18:06 | 25/07/2026

Situata e zjarreve jashtë kontrollit në Francë dhe Spanjë, evakuohen mbi 220 mijë persona

Autoritetet franceze kanë urdhëruar evakuimin e pothuajse 60,000 njerëzve pranë Bordeaux, duke e çuar numrin e përgjithshëm të njerëzve të cilëve u është thënë të...
07:59 | 25/07/2026

Mbi 65 mijë të evakuuar në Spanjë dhe Francë, zjarret dalin jashtë kontrollit

Më shumë se 65 mijë persona janë evakuuar në Spanjë dhe Francë, ndërsa zjarret e mëdha vijojnë të përhapen, duke shkatërruar mijëra hektarë pyje dhe...
20:49 | 24/07/2026