Mot ekstrem në Azi, nga stuhitë tek i nxehti, probleme në kontinentin e largët

Nga stuhitë e dhunshme tek i nxehti në rritje, Azia po përjeton një verë me mot ekstrem. Tajvani po bëhet gati për mbërritjen e tajfunit “Khanun”, që pritet të sjellë shira të dendura dhe erëra të forta me shpejtësi deri në 160 km në orë. Tajfuni në fjalë ka goditur tashmë ishujt jugorë të Japonisë.

Kina ndërkohë po rikuperohet nga efektet e stuhisë “Doksuri”, që ka shkaktuar vdekje dhe shkatërrim në rajonin e Pekinit. Të paktën 21 persona kanë humbur jetën si pasojë e përmbytjeve, që erdhën nga reshjet më të dendura në 140 vite.

Në Korenë e Jugut, rritja e temperaturave po përbën një lloj të ri kërcënimi. Mbi 100 persona kanë marrë mjekim për sëmundje të lidhura me të nxehtin. Zhiva e mërkurit pritet të mbetet mes 30 gradëve në ditët e ardhshme.

Në mbarë botën, rekordet e klimës po thyhen njëri pas tjetrit nga ajo që ekspertët thonë se është një kombinim i ngrohjes globale dhe fenomenit “El Ninjo”.

LEXONI GJITHASHTU:

• Kinë: 11 të vdekur dhe dhjetëra të zhdukur nga përmbytjet
• Pekini regjistroi shirat më të dendur në 140 vitet e fundit