Mot i keq në fundjavë, preket më shumë jugu i Shqipërisë

Moti i keq parashikohet te godasë jugun e Shqipërisë në fundjavë.

Në një intervistë për Euronews Albania, drejtuesja e zyrës operacionale pranë Meteoalb, Lajda Porja tha se gjatë fundjavës pritet që situata e motit të jetë problematike në Vlorë, Sarandë, Himarë e Ksamil.

Ajo tha se forca e erës në fundjavë do të jetë e pranishme në gjithë zonën bregdetare, ndaj pushuesit duket të kenë kujdes, sidomos në orët e para të ditës, deri pasdite.

“Bregdeti i Durrësit dhe Velipojës mund të rrezikohen edhe nga reshje të forta shiu. Ditën e diel reshjet e forta mund të përfshijnë edhe zonat qendrore të vendit. Më pas, situata do të përmirësohet dhe deri më datë 27 korrik do të jetë mot i kthjellët dhe i qëndrueshëm,”- tha Porja.

LEXONI GJITHASHTU:

• Erëra deri në 60 km/h, ekspertja e Meteoalb: Mot problematik në brigjet e Jonit
• Mot i nxehtë gjatë javës, ulje e temperaturave në fundjavë
• Mbizotërim i motit të kthjellët, pritet ulje e temperaturave