Moti i keq, Federata Shqiptare e Futbollit shtyn të gjitha ndeshjet

Federata Shqiptare e Futbollit ka shtyrë ndeshjet e futbollit në të gjitha nivelet e kampionateve deri të shtunën e ardhshme, datë 20 shkurt 2021.

Moti i keq dhe kushtet e rënduara atmosferike e detyruan FSHF-në të marrë këtë vendim duke parë dhe gjendjen e terreneve sportive dhe stadiumeve ku do të zhvilloheshin ndeshjet.

“Ndeshjet e parashikuara për t’u luajtur këtë të diel dhe gjatë javës, do të luhen në një datë të mëvonshme, që do të përcaktohen nga Sektori i Garave në FSHF,” – thuhet në deklaratën zyrtare të Federatës Shqiptare të Futbollit.