Moti i keq përfshin vendin, ARRSH njoftim për situatën e rrugëve

Moti i keq ka përfshirë vendin.

Autoriteti Rrugor Shqiptar ka njoftuar se gjatë natës ka pasur reshje bore  në veri të vendit, në akset Dedaj-Razëm dhe Bajram Curri-Valbonë.

Sipas ARRSH-së këto rrugë janë të hapura dhe dhe qarkullimi vazhdon pa problem.

Ndërsa, në segmentin Fushë Arrëz-Kukës dhe Kalimash-Fushë Dukagjin, si pasojë e reshjeve të dendura të shiut ka pasur rënie gurësh në rrugë, por qarkullimi vijon normalisht.

Ndërkohë, ARRSH bën me dije se në rajonin jugor ka pasur reshje shiu me intensitet mesatar, si pasojë ka sjellë e rënie gurësh në aksin Berat-Çorovodë dhe Patos-Ballsh.

Edhe në këtë aks qarkullimi vijon normalisht.

ARRSH bën apel që drejtuesit e mjeteve të tregohen të kujdesshëm për shkak të lagështisë̈ në rrugë, të reduktojnë shpejtësinë̈ dhe të respektojnë̈ sinjalistikën. 

Lexoni gjithashtu:

Kreu i Emergjencave Civile tregon zonat më të rrezikuara nga përmbytjet: Në tri ditët në vazhdim situata pritet të përkeqësohet

Reshjet e shiut shkaktojnë përmbytje nga Jugu në Veri; Vjosa, Drini e Buna pranë pikës kritike