Moti në Dibër, rihapet aksi i bllokuar i Rrugës së Arbrit. Çfarë njofton Policia

Është rihapur për qarkullimin e automjeteve aksi i rrugës së Arbrit, bypass-Qafë Murrizë, i cili ditën e djeshme u bllokua për shkak të reshjeve të dendura të dëborës.

Lajmin e ka bërë të ditur Policia përmes një njoftimi, ku thuhet se edhe akset rrugore Peshkopi-Maqellarë- Bulqizë;  Bulqizë – Klos- Ulëz, janë të hapura.

Po ashtu Policia i bën thirrje qytetarëve që të shmangin lëvizjet e panevojshme, të përdorin gomat dimërore dhe për çdo emergjencë të mos hezitojnë të kërkojnë ndihmën e efektivëve.

Njoftimi i Policisë:

DVP Dibër-Rihapet për qarkullimin e automjeteve aksi i rrugës së Arbrit, bypass-Qafë Murrizë, e cila ditën e djeshme u bllokua për shkak të reshjeve të dendura të dëborës.

Gjithashtu dhe akset rrugore Peshkopi-Maqellarë- Bulqizë;  Bulqizë – Klos- Ulëz,  janë të hapura.

Aksi rrugor Peshkopi- Kala e Dodës – Kukës, lëvizja e mjeteve bëhet vetëm me zinxhirë.

Firmat e mirëmbajtjes së këtyre akseve rrugore po vijojnë në hedhjen e kriprës dhe pastrimin e rrugës nga akulli.

Policia e Dibrës është e gjitha në gadishmëri të plotë me patrulla të shpërndara në çdo aks rrugor, dhe i’u bën thirrje të gjithë përdoruesve të rrugës, të shmangin lëvizjet e panevojshme në rrugë,  të tregojnë kujdes maksimal pasi ka prezencë akulli në rrugë, të përdorin gomat  dimërore dhe në rast emergjence të kenë me vete mjetet antirrëshqitëse.

Në raste emergjence mos hezitoni të kërkoni ndihmën e Policisë 📞112👮📞

#policianëshërbimintuaj

LEXONI GJITHASHTU:

• VIDEO/ Ishin bllokuar në automjet, Policia i vjen në ndihmë një familjeje në Dibër
• Bora në Dibër, bllokohet aksi bypass-Qafë Murrizë, rrugët që kalohen me zinxhir