Motori përplas për vdekje të moshuarën, arrestohet drejtuesi i mitur

Një aksident me pasojë vdekje ka ndodhur mbrëmjen e të mërkurës, 28 gusht, në fshatin Ostren i madh të qytetit të Bulqizës.

Ngjarja ka ndodhur rreth orës 20:00, ku një 83 vjeçare ka humbur jetën duke kaluar rrugën për të shkuar në banesën e djalit të saj.

Ajo është goditur për vdekje nga një imitur i cili po drejtonte një motomjet.

16 vjeçari është ndaluar nga policia pas ngjarjen dhe është shoqëruar në ambjentet e komisariatit të Dibrës. Viktima është Sedike Muça banuese në fshatin Ostren i Madh.

Policia dhe grupi hetimor po vijojnë punën për zbardhjen e rrethanave të aksidentit.