Motra e shqiptares që vdiq në aksidentin në Greqi: Ajo e ndjeu se diçka do ndodhte

Motra e shqiptares Klaudia Lata e cila humbi jetën në aksidentin tragjik në Greqi ndodhet në gjendje të rënduar psikologjike.

Xheni Lata, në një deklaratë për mediat ka kërkuar drejtësi, duke thënë se motra e saj shkoi në Patra vetëm për të parë atë duke qenë se ishre me sezon provimesh,

“Motra ime nuk erdhi në Athinë por në Patra. Ne ishim bashkë për tre ditët e karnavaleve. Ne rezervuam biletat e autobusit dhe ajo donte të rezervonte një udhëtim kthimi, por ne nuk mundëm ta gjenim. Kështu përfunduam në tren. Kohët e fundit motra ime kishte provime dhe ajo erdhi në Patra për të më parë mua. Ajo donte të ishte vetëm në shtëpi se kishte mësimet e saj. Kështu donte të argëtohej dhe erdhi në Patra. Kaluam shumë mirë. Kur u nis me tren fola me të dhe më tha se ishte në Palaiofarsalos dhe se ishin vonuar. E dija saktësisht se ku ishte ulur. Dhe nëna ime kishte folur me kamerë me të. Ajo ishte ulur në mensë me të dashurin e saj.’

Shqiptarja thotë se motra e saj ndjeu se diçka do ndodhte prandaj i kërkoi të dashurit që të ndryshonin vendin.

‘Në momentin e fundit sikur ndjeu diçka dhe i tha të dashurit të gjente një vend në vagonat e tjerë pasi treni ishte plot. Kishin orë të gjata në mensë dhe ajo ndihej e lodhur. I dashuri i saj iku dhe ajo qëndroi atje. I dashuri i saj bëri 10 hapa dhe aty ndodhi përplasja.’

Studentja e Mjekësisë Ushtarake ndodhej me partnerin e saj në tren, por humbi jetën tragjikisht nga përplasja fatale që ndodhi në Larisa.

LEXONI GJITHASHTU: 

• Berisha për Allën: E futën në burg se nuk ikte, donte të kandidonte sërish
• Hëngrën karamele me marijuanë, 8 fëmijë përfundojnë në spital