“Mposhtëm SHBA-në”, Teherani i hedh benzinë zjarrit!

24 Qershor 2026 | 14:06

Në një deklaratë që padyshim e godet krenarinë e Donald Trumpit, kryenegocjatori iranian Mohammad Bagher Ghalibaf, e cilësoi marrëveshjen mes Iranit dhe Shteteve të Bashkuara për fundin e luftës si një “shpallje të kapitullimit të Amerikës”.

Duke folur në një konferencë në Azerbajxhan të transmetuar dretpërdrejtë nga televizioni shtetëror iranian, Ghalibaf tha se mirëkuptimi i arritur në Islamabad nuk ishte rezultat i presioneve apo detyrimeve, por rrjedhojë e  qëndresës dhe forcës së popullit iranian.

“Suksesi i këtij procesi nuk erdhi nga presioni apo imponimi. Ai erdhi nga rezistenca dhe autoriteti i kombit të guximshëm iranian”, shprehet Mohammad Bagher Ghalibaf, kryenegociator i Iranit.

Sipas Ghalibaf, memorandumi i mirëkuptimit i arritur në Islamabad përfaqëson në thelb një pranim të dështimit nga ana e Shteteve të Bashkuara. Ai shtoi se siguria në Lindjen e Mesme duhet të garantohet nga vetë vendet e rajonit, pa ndërhyrje nga jashtë.

Pohimet e tij vijnë në një kohë kur marrëveshja mes Teheranit dhe Uashingtonit po analizohet gjerësisht për ndikimin që mund të ketë tek ekuilibrat politikë dhe ata të sigurisë në rajon. Raundi i parë i bisedimeve mes SHBA-së dhe Iranit në Zvicër përfundoi të martën, dhe u duk se pati afrim të qëndrimeve.

Shtetet ndërmjetësuese thanë se atmosfera e bisedimeve ishte konstruktive dhe u shprehën për “përparime inkurajuese”.

Home Kryefaqja
Shiko në: YouTube
Lajme të Sugjeruara

Trump bisedë telefonike me Netanyahun, i kërkon kryeministrit izraelit të tërheqë trupat nga Siria dhe Libani

Presidenti i SHBA-së, Donald Trump, i kërkoi kryeministrit izraelit, Benjamin Netanyahu, gjatë një telefonate, të tërheqë trupat izraelite nga Siria dhe Libani, raportoi Axios të...
20:26 | 14/07/2026

Trump: Sanksionet ndaj Rusisë mund të zgjerohen, do të synojmë edhe Iranin dhe Hezbollahun

Presidenti amerikan, Donald Trump tha të martën se një paketë sanksionesh që synon Rusinë mund të zgjerohet së shpejti për të përfshirë edhe Iranin dhe...
19:54 | 14/07/2026

Si është prishur armëpushimi SHBA-Iran gjatë javëve të fundit

Armëpushimi midis SHBA-së dhe Iranit është në rrënim e sipër, me sulmet midis vendeve që po përshkallëzohen me shpejtësi gjatë ditëve të fundit. Një vështrim...
19:46 | 14/07/2026