Muçi fiton Kupën e Turqisë, Ramadani siguron mbijetesën e Lecces në Serie A

Paraqitjet e legjionarëve shqiptarë vijojnë të jenë pozitive në kampionatet europiane, ndërsa sezoni futbollistik po shkon drejt fundit dhe grumbullimet e Kombëtareve pritet të nisin javën e ardhshme.

Ernest Muçi ishte një nga protagonistët kryesorë të javës në futbollin turk. Sulmuesi kuqezi fitoi Kupën e Turqisë me Trabzonspor, pasi skuadra e tij triumfoi 2-1 ndaj Konyaspor në finale. Muçi u aktivizua si titullar dhe dha një kontribut të rëndësishëm gjatë gjithë takimit, duke qenë një nga lojtarët më të spikatur në suksesin e ekipit të tij.

Paraqitje shumë të rëndësishme regjistroi edhe Ylber Ramadani në Itali. Mesfushori shqiptar ishte titullar në fitoren 1-0 të Lecces ndaj Genoas, një sukses që i siguroi skuadrës së tij qëndrimin në Serie A edhe për sezonin e ardhshëm. Ramadani zhvilloi një tjetër ndeshje solide në mesin e fushës, duke kontribuar në një fitore me peshë për ekipin italian.

Minuta si titullarë me skuadrat e tyre gjatë kësaj fundjave morën gjithashtu Ivan Balliu, Berat Gjimshiti, Ardian Ismajli, Bujar Pllana, Mario Mitaj, Juljan Shehu dhe Adrion Pajaziti.