Mund të hapen dy fronte lufte në Izrael, parashikon eksperti

Eksperti Medlir Mema tha në një intervistë për Euronews Albania se Shtetet e Bashkuara kanë çuar disa forca ushtarake në det, jo menjëherë në territorin e Izraelit.

Sipas tij rreziku për luftë është shumë i lartë.

“Hezbullah që është në pjesën e Libanit, pra në pjesën veriore të Izraelit mesa duket ka filluar të bëjë lëvizjet e tij. Libani ka një qeveri të tij, por 1/3 e Libanit kontrollohet nga Hezbullah që është dhe një forcë qeverisëse brenda Libanit, por ka dhe ushtrinë e vet, ka dhe qeverisjen e vet brenda territorit. Pra është një shtet shumë problematik Libani në vetvete. Ndërkohë që presidenti i Libanit thotë që ne nuk do të futemi në këtë luftë, me shumë gjasë vetë Hezbullah, një pjesë e Libanit dhe aleati i Iranit mund të ndërhyjë për të përkeqësuar dhe për të vështirësuar situatën e Izraelit dhe reagimin. Pra mund të hapen dy fronte lufte, një në veri të Izraelit dhe një në jug, nëpërmjet Gazës, pastaj qëndron gjithmonë rreziku në perëndim të Izraelit,” – u shpreh Mema.

LEXONI GJITHASHTU:

• Izraeli sulmon bazën në Liban, Katari merr rolin e negociatorit. Reagon Hamasi
• Sulmi në Izrael, BE pezullon pagesat për palestinezët. Rishikohet ndihma 691 mln €