Presidenti Donald Trump ka propozuar një rritje të taksave për amerikanët më të pasur. Propozimi i tij parashikon rritjen e normës maksimale të taksës mbi të ardhurat për ata që fitojnë më shumë se 2.5 milionë dollarë në vit, nga 37% në 39.6%.

Shtëpia e Bardhë e ka shqyrtuar këtë propozim si një mundësi për të mbledhur fonde për të mbështetur prioritetet e tjera të administratës, si financimi i ushtrisë, imigracionit, dhe taksave, pa prekur programet sociale si Medicaid. Megjithatë, ky propozim ka hasur kundërshtime të forta nga republikanët, të cilët tradicionalisht janë kundër çdo rritjeje të taksave, veçanërisht për ata që konsiderohen si më të pasurit.

Trump, i cili ka dërguar sinjale të përziera mbi këtë çështje në javët e fundit, ka shprehur gatishmërinë e tij për të “pranuar” një rritje të vogël të taksave, por ka paralajmëruar gjithashtu se kjo mund të shkaktojë sulme nga demokratët.

Ai tha se mund të jetë “politikë e mirë” të rriten taksat për të pasurit, për të siguruar fonde për ata që kanë të ardhura më të ulëta, por theksoi se nuk mendon se republikanët do ta mbështesin një propozim të tillë.

Në një postim në Truth Social, Trump tha: “Ndoshta republikanët nuk duhet ta bëjnë këtë, por do të jem në rregull nëse ata do ta bëjnë.” Pas këtij deklarimi, shumë analistë politikë kanë ngritur dyshime nëse kjo mund të shfaqet në paketën përfundimtare të taksave që po hartojnë republikanët në Kongres.

LEXONI GJITHASHTU:

• Shpërthimet në Kashmir, Sekretari amerikan flet me shefin e ushtrisë pakistaneze
• Peskov: Ukraina nuk është gati për negociata, trupat ruse po përparojnë