Muzikë të lartë pas orarit të lejuar, procedohen menaxherët e lokaleve në Sarandë

Menaxherët e dy lokaleve në Sarandë janë proceduar nga policia pasi kanë vënë muzikë të lartë në këto ambiente duke shqetësuar pushuesit.

Si rezultat i kontrolleve të kryera gjatë mbrëmjes dhe gjatë natës, nga shërbimet e Komisariatit të Policisë Sarandë, në subjekte të ndryshme në zonën urbane dhe në atë bregdetare, për të verifikuar zbatimin e ligjit mbi orarin dhe nivelin e muzikës, janë konstatuar dhe goditur 2 raste të tjera të paligjshmërive në këtë fushë.

Për këto raste, janë referuar materialet në Prokurori ku ka nisur procedimi në gjendje të lirë për menaxherët e 2 lokaleve, shtetasit Filip Fermanis, 38 vjeç banor i Tiranës, Bar Lost dhe Ramadan Zoto, 41 vjeç, banor i Sarandës, Bar Copacabana për veprën penale “Prishja e qetësisë publike”. Gjithashtu, Policia ka sekuestruar në cilësinë e provës materiale pajisjet që gjeneronin muzikën”, sqaron policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme

LEXONI GJITHASHTU:

• Kapen heroinë dhe kanabis gati për shitje në Sarandë, arrestohet 38-vjeçari
• EMRI| Vidhte pompat e ujit në katet të pallateve, arrestohet 41-vjeçari në Sarandë