‘Na hiqni akuzën ose do flasim’, Berisha: Rama po kërcënohet për inceneratorët

Kryetari i Partisë Demokratike, Sali Berisha deklaroi se kryeministri Edi Rama po kërcënohet në lidhje me aferën e inceneratorëve.

Gjatë fjalës së tij në mbledhjen me kryetarët e degëve, Berisha u shpreh se kreu i qeverisë ka marrë kërcënime nga Klodian Zoto dhe Mirel Mërtiri, kompanitë e të cilëve kanë marrë para nga shteti për inceneratorët.

Sipas Berishës, ata i kanë kërkuar Ramës që të hiqet akuza ndaj tyre, përndryshe do të flasin.

“Vetëm vjedhjen që ka bërë me inceneratorët, ky duhet të bënte 30 vite burg, absolutisht. Përkundrazi, e nxorri Bllakon. Tani, kërcënohet nga këta, Zoto dhe Mërtiri. Këta ishin thjesht shërbëtorët e tyre, mbanin paratë e tyre te inceneratorët. Tani, ata kërcënojnë, ose na hiqni akuzën, ose do flasim dhe rrinë të lirë në ndjekje.

Kur ndodhin të gjitha këto, duhet të flasë sovrani, duhet të flasë protesta, duhet ta përgatitim, duhet të kemi forma të shumëllojshme, por të jeni të sigurt se do të dalim në krye. Kjo është një protestë për të shpëtuar Shqipërinë”, theksoi kryedemokrati.

LEXONI GJITHASHTU

• Primaret në PD, Berisha tregon cilat janë qytetet që do të votojnë të parat
• Berisha: Sulmet e Ramës ndaj universiteteve si të Enver Hoxhës
• “Topa luftash”, Kulluri për opozitën: Meta kërkon ta pasojë humbjen te Berisha