Naftë kontrabandë nga Libia në Portin e Durrësit, publikohen emrat e të arrestuarve

Euronews Albania ka mësuar emrat e 13 të arrestuarve, në lidhje me operacionin policor të koduar “Geni”, për naftën kontrabandë të ardhur nga Libia që u sekuestrua ditën e djeshme në Durrës.

Të arrestuarit janë: Elton Qevani, Klajdi Kapxhiu, Selim Gaba, Muhamet Eltawargy, Muhamed Arafe, Ahmed Zantawi, Ahmet Abdurrabu, Said Nwegi, Muhamed Mahmut, Eshref Kahlife, Islam Ashkar, Ali Hadad, dhe Adil Badawi.

Më herët gjatë ditës së sotme, Policia e Shtetit ka dhënë detaje rreth këtij operacioni.

Drejtori i Departamentit për Kufirin dhe Migracionin Drejtues i Lartë, Saimr Boshnjaku deklaroi në një konferencë për mediat, se janë sekuestruar 62.000 litra naftë të kontrabanduara, si dhe 2 mjete lundruese peshkarexha.

Në operacion u përfshinë shërbimet e Departamentit të Kufirit dhe Migracionit, në bashkëpunim me shërbimet e Departamentit të Policisë Kriminale në Policinë e Shtetit, DVP Durrës, Delta Forcë, shërbimet e Nuklit Detar të GDF-së në Durrës, shërbimet e QNOD-së dhe roja bregdetare.

Si rezultat i koordinimit të shërbimeve u bë i mundur identifikimi i dy anijeve të peshkimit të cilat dyshohet se po realizonin këtë veprimtari të kundërligjshme, në det.

Shërbimet e Policisë kanë shoqëruar 2 anijet e peshkimit, konkretisht anijen shqiptare “Geni” dhe anijen libane “ABOBAKR 124”, të cilat në përfundim të veprimeve të para hetimore u sekuestuan në cilësinë e provës materiale.

Operacioni policor dhe veprimet hetimore kanë zgjatur 48 orë, në det dhe në tokë. Gjatë operacionit u bllokuan 2 anijet dhe u arrestuan pjesëtarët e ekuipazheve të tyre.

LEXONI GJITHASHTU

• Detajet | 62 mijë litra naftë kontrabandë në Durrës, 13 të arrestuar
• Kontrabanda e naftës, kapet anija libiane që furnizoi peshkarexhën në ujëra neutrale
• Sekuestrohet anija me 50 mijë litra naftë kontrabandë në Durrës