NATO mbron Letoninë, nis ndërtimi i brigadës, vendosen tanke e ushtarë

Prerja e shiritit të kuq shënon hapjen zyrtare të infrastrukturës shtesë të Brigadës Shumëkombëshe të NATO-s në bazën ushtarake Adazi në Letoni. Objektet e reja të financuara nga Kanadaja do të strehojnë tanket dhe mjetet e blinduara të brigadës dhe gjithashtu do të ofrojnë zona për mirëmbajtje.

James Smith, komandant i Komandës së Forcave të Armatosura Kanadeze në Letoni, deklaroi: “Ky është një projekt   që kushton shumë . Tejkalon 7 milionë euro,  dhe është vetëm një angazhim tjetër për të luftuar agresionin e mundshëm që po ndodh përreth. Ne po sjellim më shumë fuqi, më shumë njerëz. Po trajnojmë personel, po sjellim edhe pajisje”

Brigada letoneze pritet të jetë gati për luftim deri në vitin 2026.

Ndërkohë në Rukla të Lituanisë po ndërtohet  edhe një baze ushtarake. Baza e financuar nga Gjermania dhe e zbatuar përmes NATO-s është një nga dy bazat në Lituani ku strehohen ushtarët gjermanë.

“Çdo gjë ka të bëjë me parandalimin, ka të bëjë me Rusinë. Ne duhet të jemi në gjendje të stacionojmë një brigadë të blinduar gjermane këtu në Lituani për të siguruar lirinë e kombeve perëndimore”, deklaroi Harald Gante, komandant i ushtrisë fushore të Gjermanisë:

Brigada do të jetë shtëpia e rreth 2,000 ushtarëve, përfshirë mjetet luftarake, dhe pritet të bëhet plotësisht funksionale në vitin 2027

LEXONI GJITHASHTU:

• Sulmi ukrainas në Rusi, Grossi konfirmon vizitën në centralin bërthamor në Kursk
• Armët bërthamore, Gjermania i përgjigjet Putin: S’jemi të frikësuar nga kërcënimet