NATO zgjeron aftësitë satelitore për të monitoruar situatën në Ukrainë

12 Qershor 2025 | 15:31

NATO po forcon kapacitetet e saj të mbikëqyrjes satelitore për të skanuar zona të mëdha në kohë reale, me qëllim të monitorimit të lëvizjeve ushtarake në Ukrainë dhe përgjatë kufijve lindorë të Rusisë me vendet anëtare të Aleancës.

Lajmin e bëri të ditur Admirali Pierre Vandier, Komandanti i Koncepteve dhe Transformimit të NATO-s, duke deklaruar se teknologjia e re do të mundësojë për herë të parë një mbikëqyrje të zgjeruar dhe të vazhdueshme të “territoreve të gjera”, përfshirë manovrat ushtarake, lëvizjet e trupave dhe operacionet në fushën e betejës.

Aftësia për të monitoruar pajtueshmërinë me një armëpushim të mundshëm në Ukrainë ka qenë në qendër të shqetësimeve evropiane,. Një koalicion i vendeve të gatshme, i udhëhequr nga Franca dhe Mbretëria e Bashkuar, po përpiqet të sigurojë mbështetjen e Shteteve të Bashkuara për të garantuar kontroll të rreptë të situatës në terren.

“Sot, nuk jemi të sigurt nëse rusët do të ndalen në Ukrainë. Do të jemi në gjendje t’u themi atyre: po vëzhgojmë,” deklaroi Vandier, duke theksuar rëndësinë e garantimit të sigurisë për vendet e krahut lindor të NATO-s.

Në kuadër të kësaj përpjekjeje, NATO njoftoi se ka përzgjedhur kompaninë amerikane Planet Labs si ofruesin kryesor të imazheve satelitore për një program të ri të quajtur Smart Indication And Warning Broad Area Detection (SINBAD). Kjo nismë synon skanimin e shpeshtë të zonave të caktuara në glob gjatë gjithë vitit, me ndihmën e inteligjencës artificiale për të identifikuar ndryshime të menjëhershme dhe për të lëshuar paralajmërime të hershme.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Kompania spanjolle anulon 320 shërbime me trena, mijëra udhëtarë në vështirësi për shkak të një greve

Java ka nisur me vështirësi për mijëra udhëtarë në Spanjë, pasi kompania hekurudhore Renfe ka anuluar 320 shërbime hekurudhore këtë të hënë, më 29 qershor,...
11:00 | 29/06/2026

Komisionerët evropianë do vizitojnë Turqinë përpara samitit të NATO-s

Shefja e politikës së jashtme të BE-së, Kaja Kallas, së bashku me Komisioneren Evropiane për Zgjerim, Marta Kos, dhe Komisionerin Evropian për Punë të Brendshme...
10:42 | 29/06/2026

Kina ofron imazhe satelitore Venezuelës nga tërmeti, do ndihmojë me 14.7 milionë dollarësh

Kina ka premtuar ndihmë emergjente me vlerë 100 milionë juanë (rreth 14.7 milionë dollarë) për të mbështetur reagimin e Venezuelës ndaj një tërmeti shkatërrues, ndërkohë...
10:39 | 29/06/2026