Putin u shpreh ngushëllime autoriteteve indiane për rrëzimin e avionit

Presidenti rus Vladimir Putin i ka shprehur ngushëllime presidentit indian Droupadi Murmu dhe kryeministrit Narendra Modi për rrëzimin e aeroplanit të së enjtes, tha Kremlini.

“Ju lutem pranoni ngushëllimet e mia më të thella për pasojat tragjike të rrëzimit të aeroplanit në Aeroportin e Ahmedabad. Ju lutem përcillni ngushëllimet dhe mbështetjen time familjeve të të vrarëve dhe urimet e mia për shërim të shpejtë të të plagosurve në rrëzim”, tha Putin në mesazhin e tij.

Një aeroplan i Air India u rrëzua pranë aeroportit në qytetin perëndimor indian Ahmedabad më herët të enjten. Në bordin e fluturimit për në Londër kishte 242 persona. Ende nuk është publikuar një numër zyrtar i të vdekurve; megjithatë, sipas medias News18, të paktën 133 persona janë vrarë në aksident.

LEXONI GJITHASHTU:

• Pse rrëzimi i Boeing 787 Dreamliner ka tronditur industrinë e aviacionit
• Çfarë e shkaktoi rrëzimin e avionit me 242 persona në bord, dyshimet e ekspertëve