Navalny akuzohet për terrorizëm, kërcënohet me 30 vjet burg

Lideri i opozitës ruse Alexei Navalny, i cili është i burgosur, thotë se kundër tij ka nisur një hetim i ri, këtë herë me akuza për terrorizëm dhe se ai do të gjykohet nga një gjykatë ushtarake për akuzën “absurde”.

Navalny e bëri këtë deklaratë në një seancë dëgjimore, më 26 prill, në Gjykatën e Qarkut Basmanny të Moskës, përmes një videoje.

“Ata bënë akuza absurde, të cilat më kërcënojnë me 30 vjet burg”, tha ai në deklaratën e postuar në rrjetet sociale nga mbështetësit e tij.

“Hetuesi Vidyukov tha dje se rasti për terrorizëm është iniciuar veçmas nga ky rast dhe se unë, duke qenë në burg, kryej sulme terroriste”, shtoi ai.

Navalny u shfaq në seancë përmes video-lidhjes nga burgu në rajonin e Vladimirit. Vetëm pak minuta pasi nisi seanca, gjyqtarja Yevgenia Nikolayeva vendosi që ajo të mbahej me dyer të mbyllura.

LEXONI GJITHASHTU:

• “U provokua”, Navalny tërheq zvarrë të burgosurin, rrezikon 5 vite shtesë
• Navalny probleme shëndetësore pas trajtimit të dyshimtë në burg