Ndahet nga jeta Eric Carmen, kantautori i hitit “All By Myself’’

Ndahet nga jeta në moshën 74 vjeçare kantautori i njohur amerikan Eric Carmen, i njohur në mbarë botën për hitet e tij solo “Hungry Eyes” dhe “All By Myself”.

Njoftimi i vdekjes së tij u bë i ditur nga bashkëshortja e Carmen, Amy e cila tregoi se Carmen ndërroi jetë në gjumë duke mos specifikuar asnjë shkak tjetër lidhur me vdekjen e tij.

Artisti amerikan lindi në Cleveland, Ohio më 11 gusht 1949. Si fëmijë ai u stërvit në piano klasike dhe mësoi vetë kitarën. Në vitet ’60, Carmen u bë i famshëm si vokalisti kryesor i Raspberries, një grup amerikan pop rock qe pati një sërë suksesesh në skenën muzikore të hershme të viteve 1970.

Në vitin 2000 artisti publikoi albumin e tij të gjashtë, por edhe të fundit të titulluar “I Was Born to Love You” dhe u ribashkua me Raspberries për një mini-turn në 2004 për të dhënë koncertin e tyre të parë në më shume se 30 vite.

LEXONI GJITHASHTU:

• “Rrezik për dhunë”- Zbardhet raporti i Inteligjencës së SHBA për Ballkanin
• Ndahet nga jeta ylli i muzikës country, Toby Keith vuajti nga sëmundja e rëndë