Ndahet nga jeta në moshën 86 vjeçare regjizori i njohur Piro Milkani

Lajmi për ndarjen nga jeta të Milkani, një prej pionierëve të artit kinematografik shqiptar, u bë i ditur nga djali i tij, Eno Milkani, përmes një postimi prekës në rrjetet sociale, ku e përshkroi babain e tij si “shokun dhe kolegun” e tij të dashur.

Pirro Milkani, i lindur më 7 nëntor 1932 në Korçë, u edukua në Akademinë e Arteve në Pragë dhe u bë një nga figurat kyçe të Kinostudios “Shqipëria e Re”. Gjatë karrierës së tij të shkëlqyer, Milkani ka realizuar mbi 30 filma artistikë dhe dokumentarë, mes të cilëve përfshihen vepra të paharrueshme si “Njeriu me top”, “Ngadhënjim mbi vdekjen” dhe “Unë e dua Erën”. Filmat e tij, të njohur për realizmin e thellë dhe trajtimin e temave sociale dhe patriotike, kanë ndihmuar në ndërtimin e një identiteti të fortë kulturor dhe historik për kinemanë shqiptare.

Përveç kontributit të tij si regjisor, Milkani ka qenë gjithashtu një pedagog i nderuar dhe ka shërbyer si atashe kulturor në Gjermani, duke kontribuar në promovimin e kulturës shqiptare jashtë vendit.