Ndahet nga jeta sportisti legjendar i Tiranës

Është ndarë nga jeta në moshën 60-vjeçare legjenda e mundjes, Petrit Hajdari.

Ish-sportisti i Tiranës, ishte një nga emrat më të njohur të mundjes në Shqipëri, i shpallur disa herë kampion kombëtar.

Lajmi u bë publik përmes një postimi në facebook nga ish-kreu i KOKSH-it, Viron Bezhani, i cili shprehu vlerësimet më të larta për sportistin e njohur.

“U prehsh në paqe miku im Petrit Hajdari! Sot më duhet t’i them lamtumirë nga Dardha e Korçës, mundësit të shquar, mikut, sportistit dhe kolegut tim të mirë Petrit Hajdari. Një humbje e madhe për të gjithë komunitetin e mundjes, jo vetëm atij të Tiranës por edhe të gjithë mundjes shqiptare për atë çfarë ka dhënë ky sportist për këtë sport. Respekti e mirënjohja ime shkon për kujtimin e këtij mundësi jo vetëm për atë që ka dhënë por edhe atë që ka transmetuar te brezat e rinj. Faleminderit nga zemra për gjithçka që i ke dhënë këtij sporti, duke qenë i bindur se për këtë kontribut të madh nuk do të harrohesh kurrë. Lamtumirë, Petrit Hajdari, nderi i mundjes tiranase”, shkruan Bezhani.

LEXONI GJITHASHTU: 

• Ndahet nga jeta në moshën 79-vjeçare sulmuesi legjendar i Italisë, Gigi Riva
• Ndahet nga jeta ikona e valles shqipe Lili Cingu