Ndalohet takimi vjetor i Myslimanëve të Francës, policia: Shkak rritja e alarmit për sulme

Franca ka ndaluar një tubim të myslimanëve që ishte planifikuar në zonën e Parisit për ditët në vijim. Shefi i policisë së Parisit, Patrice Faure tha se ky vendim u mor për shkak se përbënte një rrezik sigurie pasi vendi është nën alaram për sulme.

“Me kërkesë të Ministrit të Brendshëm Laurent Nunez, kam lëshuar një urdhër që ndalon edicionin e 40-të të Takimit Vjetor të Myslimanëve të Francës, nga 3 deri më 6 prill në Qendrën e Ekspozitave Paris-Le Bourget”, tha Faure në një postim në X.

Vendimi vjen pasi Franca rriti sigurinë në vendet e ndjeshme në të gjithë Parisin pas një sulmi me bombë të parandaluar në Bank of America zyrat fundjavën e kaluar. Policia ka përforcuar mbrojtjen rreth vendeve fetare dhe kulturore, ambienteve diplomatike dhe disa vendeve ekonomike, si dhe në të gjithë rajonin më të gjerë metropolitan.

Makhlouf Mameche, kreu i organizatës që planifikoi eventin, konfirmoi urdhrin e ndalimit dhe shtoi se organizata e tij do të paraqiste një apel ligjor kundër vendimit.