Ndërmjetësja e re e konflikteve, Kina rivendos marrëdhëniet Iran-Arabisë Saudite

Irani dhe Arabia Saudite kanë rënë dakord për të rivendosur marrëdhëniet diplomatike dhe të rihapin ambasadat përkatëse pas 7 vite tension.

Ishte qeveria kineze që negocioi zhvillimin e madh diplomatik, që ul shanset për një konflikt të armatosur mes rivalëve të Lindjes së Mesme.

Kombet e Bashkuara mirëpritën rivendosjen e marrëdhënieve saudito-iraniane, duke thënë se fqinjësia e mirë mes dy vendeve është jetike për stabilitetin e rajonit të Gjirit.

Por lëvizja rikonfirmon gjithashtu rolin në rritje të Kinës për të ndërmjetësuar konfliktet ku janë përfshirë vende të ndryshme të Lindjes së Mesme.

Prania e Pekinit në këtë rajon duket se po eklipson atë të Shteteve të Bashkuara dhe Perëndimit në tërësi, që ka ardhur në rënie.

Administrata e presidentit Xi Jinping është vlerësuar në një komunikatë trepalëshe për rolin e saj në lehtësimin e dialogut përmes një “nisme fisnike”.

“Në do të vazhdojmë të luajmë një rol konstruktiv në menaxhimin e çështjeve të ndjeshme në botën e sotme, në përputhje me pëlqimin e të gjitha vendeve dhe do të tregojmë përgjegjshmërinë tonë si një shtet i madh”, deklaroi ministri i Jashtëm kinez Wang Yi.

LEXONI GJITHASHTU

• Analisti: Ja sa bashki mund të fitojë Berisha në zgjedhjet e 14 majit

• Meta prezanton Lefter Maliqin në Kuçovë: Hyri në parlament, i tmerroi të gjithë

• Regjistrimi në zgjedhjet e 14 majit, Alibeaj bën ankimin në KAS