Ndërprerja e energjisë elektrike, Sanchez: Spanja do të marrë të gjitha masat

Kryeministri i Spanjës, Pedro Sánchez, tha se do të merren të gjitha masat e nevojshme për të parandaluar një ndërprerje tjetër të energjisë elektrike.

Kryeministri i Portugalisë, Luis Montenegro, thotë se i ka kërkuar një agjencie të BE-së të kryejë një auditim të pavarur , ndërsa qeveria spanjolle po krijon një komision hetimor.

Rrjetet elektrike pësuan dy “ngjarje shkëputjeje” dhe e dyta shkaktoi ndërprerje masive të energjisë në Spanjë dhe Portugali, pa asnjë shenjë gabimi njerëzor.

Kompania spanjolle e energjisë Red Eléctrica dhe qeveria portugeze kanë përjashtuar një sulm kibernetik. Energjia elektrike është rikthyer plotësisht në Spanjë dhe Portugali, pasi miliona njerëz mbetën pa energji të hënën, por ndërprerjet vazhdojnë.

Gjithashtu, Komisioni Evropian do të fillojë një “hetim të plotë” të ndërprerjeve të energjisë elektrike në Spanjë dhe Portugali të hënën, thotë Komisioneri Evropian për Energjinë dhe Strehimin, Dan Jorgensen, në një postim në X.

Duke e përshkruar ndërprerjen e energjisë elektrike si “më të rëndën për gati dy dekada në Evropë”, Jorgensen thotë se “jemi të gatshëm të mbështesim Spanjën dhe Portugalinë në të gjitha mënyrat e mundshme”.

LEXONI GJITHASHTU:

• Spanja përjashton sulmin kibernetik si shkak i ndërprerjes masive të energjisë
• Spanja dhe Portugalia në “blackout”, paralizohen aeroportet e metrotë