Ndërroi jetë dje, ekipi i Navalnyt: Trupi i tij s’ishte në morg, siç thanë zyrtarët

Ekipi i opozitarit të vdekur rus, Alexei Navalny ka thënë se trupi i tij nuk është në morgun ku zyrtarët thanë se ishte.

Sipas mediave të huaja, Kira Yarmysh, një zëdhënëse e aktivistit rus, tha se nëna dhe avokati i Navalny kishin mbërritur në morg, në Salekhard, një qytet pranë burgut ku ai kishte shërbyer, por ai ishte i mbyllur.

Në një përditësim në rrjetin social “X”, Yarmysh tha që të dy ishin “siguruar” se trupi i tij nuk ishte atje.

Por Yarmysh vazhdon duke thënë: “Avokati thirri numrin e telefonit që ishte në derë. Atij iu tha se ai ishte telefonuesi i shtatë sot. Trupi i Alexeit nuk është në morg.”

Kujtojmë se Navalny ndërroi jetë ditën e djeshme, teksa ishte duke kryer dënimin në një burg të sigurisë së lartë në Rusi.

Ai u burgos për motive politike, pasi vlerësohej se ishte kritiku më i ashpër i presidentit të Rusisë, Vladimir Putin.

LEXONI GJITHASHTU:

• Vdekja e Navalnyt, autoritetet ruse nuk dorëzojnë trupin e tij te familjarët
• Policia ruse arreston mbi 100 mbështetës të Navalnyt