Vdekja e Navalnyt, autoritetet ruse nuk dorëzojnë trupin e tij te familjarët

Shkaku i vdekjes së kryeopozitarit rus, Alexei Navalny nuk është përcaktuar ende dhe trupi i tij nuk do të lirohet “derisa të përfundojë hetimi”.

Sipas mediave të huaja, lajmin e ka bërë të ditur zëdhënësja e Alexei Navalny, Kira Yarmysh, e cila ka thënë se avokati i tij është informuar se shkaku i vdekjes së liderit të opozitës ruse nuk është përcaktuar ende.

Një ekzaminim i dytë i trupit të Navalny është bërë dhe rezultatet, “gjoja” do të jenë të disponueshme javën e ardhshme, tha zonja Yarmysh në “X”.

Ajo ka thënë gjithashtu se zyrtarët rusë kanë informuar familjen e tij se trupi i tij nuk do të lirohet “derisa të përfundojë hetimi”.

Një shënim zyrtar i dorëzuar nënës së Navalny-t thoshte se ai vdiq në orën 14:17 me orën lokale të premten dhe një punonjës i kolonisë së burgut tha se trupi i Navalny-t u dërgua në qytetin e afërt të Salekhard si pjesë e një hetimi për vdekjen e tij.

Por kur avokati dhe nëna e tij vizituan morgun në Salekhard sot, ai ishte i mbyllur.

LEXONI GJITHASHTU:

• Policia në Rusi ndërhyn në tubimet përkujtimore për Navalnyn, 100 të arrestuar
• Policia ruse arreston mbi 100 mbështetës të Navalnyt