Ndërron jetë këngëtarja e njohur Tina Turner

Këngëtarja e njohur Tina Turner ka ndërruar jetë në moshën 83-vjeçare.

Përfaqësuesja e saj tha në një deklaratë: “Tina Turner, ‘Mbretëresha e Rock’n Roll’-it ka vdekur sot e qetë në moshën 83-vjeçare pas një sëmundjeje të gjatë në shtëpinë e saj në Küsnacht afër Cyrihut, Zvicër. Me të, bota humbet një legjendë muzikore dhe një model”.

Ylli i lindur në SHBA ishte një nga këngëtaret më të pëlqyera të rrokut, e njohur për karizmën e saj në skenë dhe një varg hitesh, duke përfshirë The Best, Proud Mary, Private Dancer dhe What’s Love Got to Do With It.

Tina Turner ishte një prej artisteve më shitjet më të shumta në industrinë muzikore amerikane, e vlerësuar edhe me çmimet më prestigjioze.

LEXONI GJITHASHTU:

• Këngëtarja turke dënohet me 10 muaj burg pas shakasë për shkollat fetare
• Katy Perry kundër Katie Perry, këngëtarja humbet betejën ligjore për markën