Ndërtimi i Skavicës, Balluku: Rrit kapacitetet prodhuese të 3 hidrocentraleve ekzistuese

Ministrja e Infrastrukturës, Belinda Balluku gjatë seancës plenare deklaroi se ndërtimi i Skavicës do të ndihmojë në rritjen e kapaciteteve prodhuese për 3 hidrocentraleve ekzistuese.

“Një ëndërr e madhe e cila nuk ka gjetur mundësi të realizohet deri më sot, ndërtimi i hidrocentralit të Skavicës, një vepër e rëndësishme elektroenergjetike jo thjeshtë nga kapaciteti prodhues por një instrument rregullator i kaskadës së Drinit,” – u shpreh ministrja Balluku.

Deklarata e ministres u bë përpara se Kuvendi të miratonte projektligjin që “përcakton procedurë të veçantë për negociimin dhe ekzekutimin e kontratës me shoqërinë “Bechtel”, për projektimin dhe ndërtimin e hidrocentralit të Skavicës”.