Ndihmoi Rexhën të largohej, Ervis Kurtit i komunikohet arresti. Zbardhen akuzat

Vetëm pak orë pasi u shoqërua në ambientet e komisariatit të Kavajës, Ervis Kurtit, mikut të Habib Rexhës i është komunikuar arrestimi nga Policia. Ai akuzohet për veprat penale “Përkrahja e autorit të krimit” dhe “Moskallëzim krimi”.

Vetë Rexha dëshmoi në polici se ishte në shoqërinë e një mikut të tij kur ka parë Arjan Gosën dhe në gjaknxehtësi e sipër e ka vrarë me një plumb në kokë.

Ai rrëfeu se miku i tij e kishte shoqëruar me makinë pas vrasjes në fillim drejt Durrësit e më pas në Kukës.

Rexha u vetëdorëzua në polici 2 ditë pasi vrau me një plumb në kokë Arjan Gosën në Kavajë, në shenjë hakmarrjeje për vrasjen e vëllait të tij Altin Rexha, 2 muaj më parë.

Në dëshminë e tij në polici, Rexha ka thënë se ditën e ngjarjes ka qenë rastësisht në të njëjtën zonë me Arjan Gosën dhe se në makinë ka qenë me një shokun e tij, i cili nuk ka qenë në dijeni të situatës.

Pavarësisht deklarimeve të autorit të krimit, policia ka arrestuar mikun e tij për dy vepra penale “Përkrahja e autorit të krimit” dhe “Moskallëzim krimi”.

• “Ik në Malësi”- Sherri banal në Kavajë dhe hakmarrja e Rexhës për të vëllanë
• U vra me plumb në kokë, viktima në Kavajë ishte kthyer nga Italia kur iu vra vëllai
• Fotoja e viktimës në lokal, u qëllua teksa pinte kafe me babin. Autori iku në këmbë